Abstract:
Ky punim ka për qëllim të pasqyrojë në mënyre sa më të qartë trajtimin e legjislacionit dhe jurisprudencës aktuale referuar të drejtës për një proces të rregullt ligjor në dy aspekte kryesore të tij, afati i arsyeshëm dhe gjykatat e krijuara me ligj, si dhe do të ndalet në ndikimin e Reformës në Drejtësi. Punimi fillon duke prezantuar në mënyrë të gjerë kuptimin e së drejtës për një proces të rregullt ligjor, duke u bazuar si në doktrinën shqiptare ashtu edhe në atë ndërkombëtare. Punimi do të analizojë në mënyrë të veçantë të drejtën për proces të rregullt ligjor të sanksionuar në nenin 6 te Konventës Europiane të të Drejtave të Njeriut dhe jurisprudencëne saj, krahas jurispudencës së Gjykatës Kushtetuese të Republikës së Shqipërisë, duke evidentuar evoluimin e këtyre dy aspekteve të procesit të rregullt ligjor. Jurisprudenca e Gjykatës Evropiane për të Drejtat e Njeriut do të shërbejë si reflektim për mbrojtjen dhe realizimin më të plotë të të drejtës për një proces të rregullt ligjor në kontekstin shqiptar.
